Pinaka nakalulumbay Na Tula

sa isang sulok ng web ay natagpuan ko ang madramang tulang ito..

Nang una kong mabasa ang tulang ito, parang may kung anung humimay humimay sa kaibuturan ng akong mga kalamnan. 

basahin ng mataimtim….

Damahin, lagyan ng background music, pang retreat dapat. 

Ngayong Gabi Aking Isusulat . . .
ni Pablo Neruda (salin ni Maximo Macaraig)

Ngayong gabi isusulat ko ang pinakamalungkot na tula

Isulat halimbawa, "Ang gabi’y pira-piraso
at ang mga bituin ay nilalamig sa malayo."

Umiikot ang hangin sa langit . . . at umaawit

Ngayong gabi isusulat ko ang pinakamalungkot na tula
Minahal ko siya, at minsan minahal niya rin ako

Sa mga gabing tulad nito, hinawakan ko siya saking mga bisig
At hinalikan ng paulit-ulit sa ilalim ng walang-hanggang langit

Minahal niya ako, at minsan minahal ko rin siya
Paanong hindi mo iibigin ang mga tila niyang mata

Ngayong gabi isusulat ko ang pinakamalungkot na tula
Para isiping wala na siya sa aking piling, para maramdamang wala na siya

Para marining ang matinding liwanag, na mas matindi pa kahit wala siya
At ang mga berso’y nahuhulog sa damdamin na parang hamog sa damuhan

Ano ang dahilan at ang pag-ibig ko’y di sya kayang pigilan?
Ang gabi’y pira-piraso at wala siya sa tabi ko

Ito lamang. Sa malayo may umaawit. Sa malayo.
Ang damdamin ko’y di mapalagay na siya’y nawala na.

Ang paningin ko’y hinahanap siya na parang tutungo sa kanya
Ang puso ko’y hinahanap siya, at siya’y di ko kasama

Ang dating gabing nagliliwanag, ang dating puno
Kami, noong mga araw, ay hindi na ang dating kami

Hindi ko na siya mahal, tiyak yan. Ngunit kung paanong minahal ko siya!
Hanap ng aking tinig ang hangin upang madampi sa kanyang panrinig

Sa iba. Siya’y mapupunta sa iba. Tulad ng aking mga halik
Ang kanyang tinig, maaliwalas na katawan, malalim na mata

Hindi ko na siya mahal, tiyak yan. Ngunit baka mahal ko siya
Maikli ang pag-iibigan, mas matagal ang paglimot

At ito ang mga huling bersong isusulat ko para sa kanya
Dahil sa mga gabing tulad nito, hinawakan ko siya saking mga bisig

Ang damdamin ko’y di mapalagay na siya’y nawala na.

Kahit na ito ang huling sakit na idudulot niya sa akin

===============================================================================================

hay… ang saket sa puso. Matagal na akong hindi nahahaplos ng matitimyas na wika ng isang tula.

At heto ako.. nagmumuni, nagbubulay, at sinasariwa ang nakaraan kasaliw ng tulang ito na tila payapang paru-paro sa dumadapo sa aking puso.

matatalim ang mga salita, mayumi, marupok, nakabibihagni, nakalulumbay 

ang orihinal na kopya nito ay nalimbag sa wikang Espanyol

Ipagbunyi ang lahing macaraig.. 

Salamat ha, Salamat 

Tips Para maging Bata, Immature, Inosente at Tonta

    Nakakayamurotskots dahil medyo ‘di na ko nakakapagpost.  Maraming dahilan. Katamaran, busyness, katamaran, busyness, katamaran at busyness. Pero, hmm.. cguro nakatulong din yun para kahit papaano’y maexcite muli ako maglagay ng mga kung anu ano dito..

   Isa sa mga nakapag painit ng ulo ko nitong mga nakaraang araw ay ang mga  taong nagpupumilit mag-isip bata. mga nilalang na akala nila e nakakatuwa pa silang tingnan. Mga taong nagbabalik sa pagkabata, sinasadya, kahit gurang. keme’ di bagay ah.  

    Narito ang mga paraan, para mag-isip bata:

1. Magtatawag ng kuya at ate sa mga kakilala, acquaintance at nakakasalubong

2. Magpadulas sa baradilya ng hagdanan. weepee

3. Mag-iyak iyakan

4. Pagtawanan ng napakalakas ang mga taong natitisod, nadadapa

5. Mandapa

6. Magsumbong ng magsumbong

7. Magdala ng powdered milk at asukal twing lunch time, ilagay  sa ibabaw ng kanin, kainin.

8. Umuwi ng maaga, at sabihing di ka pwedeng gabihin kahit alis sais pa lang, at bente anyos ka na

9. Magpapilit palage, magpaimportante

10. Maging emosyunal nang walang dahilan

11. Kantahin ang mga OST ng haidee, Blink, Princess Sarah atbp

12. Kantahin ang theme song ng batibot, mathinik, bayani at sineskwela.

13. Mandura

14. Pumalakpak ng sobra sobra kapag natutuwa.

15. Pagtawanan ang mga naiiyak.

16. Maglagay ng Good Morning Towel o bimpo sa likod kapag magbabasketbol

17. Be an attention Grabber  <Magmalungkot habang masaya ang lahat ng tao sa paligid>

18. Umuwi ng maaga, sabihing manunuod pa ng Joaquin Boradado.

19. Magtatalon sa saya

20. Magkwento ng walang kwenta at matawa sa sarili